SUNGULA NA DIFISI
Katali fisi heja yagenda yokongola ne miyagwe sungula. Weja wasinda kumbago majuwa mengi, ninga kusina ichene chowapata; waseja walasa nyama wala chidege. Ifuka Yeja yahela, nao kowoile kutali na ukaya. Fisi foyona ifuka isigala chidodogi, yeja yakonga kogoha fina injala rlhagela ikudaha kuwakoma. Ijuwa dimwe weja wengila muhulo ? wingi kutali kusuma kose kowokuwa wekuwa wafikile. Uko Irumuliulo ifisi yeja yalasa ikanga. Foyadikola, fisi yeja yona choyo kudiya dikanga na sungula. Yeja yahananga njila kumwimila sungula yanghadiye dikanga. Fisi yamutuma eungula yalute yakalonde moto weje wasomelele dikanga: umoto uwenxho weja woisa idunghu we dyuwa idikwingila. Sungula yeja yandamila, yeja yona fina kadankilisigwa, hadyuwa ijuwa dikwingila si moto. Sungula yeja yakonga kuya ukwene koyamulekile fisi dikanga. Ninga chaka yeja yasumwa ne chisa kame yagona yewayeka kumbago, nosiku yakwe yeja yoya na ukaya. Kwafiya weja wagendesa kumbago, yeja yafika ukaya nenjala yo ugele wose woyekalila mumbago. Munyuma fisi foyona sungula yekuluta kukulonda umoto, nao si moto ni dijuwa, aye yeja yalonda dikanga. Kamai yekudia.
Naye foyamala kudiya kamai yekuya ukaya. Yeja yagenda majuwa mengi naye yafika ukaya. Fisi foyatika ukaya weja wakitag'anyila na sungula. Kamai wakilamusa.Sungula yeja yakitenda fina nghena nyono naye. Fisi yeja yosa yekugamba, sungula, ani nakugoja posi nghweja woneke hata diyelo nhafi nhani na uleke kuya? Sungula yeja yabidula yekugamba, almoto uye weja wagilila kamai honiukongha kuno ukaya. Aho dikanga duwahi? Fisi yeja yagamba, dikanga diya dyeja dyowa dikali iyumi kamai dyeja dyatija. Ijuwa dimwe sungula yeja yaluta kwidalu dye singhows hoyokona nghowo ifile mondo. Kamai geja yamulutila fisi yekumugamba, ani nyona nghowo ya mondo kwigalu chigende chikodiye. Fisi yeja yafumiia. Kamaisungulu musisungu yakwe yeja yamugamba fisi, kona gweye nghusigilile kusinghowo ani uokufika uko. Fisi yeja yafumila chimwande mwande kuhanga naye nomo yokwendaga kamanya fina singhowo singhowa nghefu yakadiyage uleke yegute. Sungula yaluta kukwakwe kama yekaa londa ipando dyakwe kame yekumwandamila fisi. Sungula foyafika kusinghowo; yeja yamugamba, kufa diyelo. Kumbe nomukumala singhowo sangu. Kakug-alusa niwenye mugunda. Kamai yamutowane dipando dyakwe. Fisi foyatogwa nhaifo ngheja yalanga yone imwene iyamutoile lrwa iyo yeja yamanya katoigwa na mwenye mugunda.
Sungula yeja yoya ukaya. Siludaha fisi naye yekuya yekulawa kumbago. Yekumutamila sungula yelrugamba, imwenyemugunda kanifikilila kanhowa
kahila kumbulaga. Sungula yeja yamungamba, basi, kwina ifuma. Majuwa mengi geja galoka, kamai hakaya yao- heja howa na ngo'ma ya mwali ikugona nechilo. Fisi yeja yafala mangala. rnumigulu kamai yakwingila kame yekugina. Yekwimba yekugamba, Sungula mubala, kadumila umwangu. Nghoma dikanga ndiya nimweme. Aye yekwandamila dyuwa idikwingila. Ani kunyuma mkudiya dikanga. Sungula foyahulika inyono yeja yakwila kame naye yekufala mangala kamai yekwimba, natotva dikulu kusinghowo. Dikulu dyamanya mwenye mugunda. Natowa dikulu kusinghowo. Dikulu dyamanya mwenye mugundo. Fisi yeja yakola nyono kamai wekuleka ng'omba wekugomba. Kulawa dijuwa didyo weja wakigawa.
Itulumwa ne Cuthbert Yohana Mwendi (Nahori) Mkwama
No comments:
Post a Comment